GHAZAL SHAYARI

Ajab Halaat The Yun Dil Ka Soda Ho Gaya Aakhir,

Mohabbat Ki Haveeli Jis Tarha Neelaam Ho Jaye

Samander Ke Safar Mein Is Tarha Awaz De Ham Ko
Hawain Teiz Hon Aur Kashtiyon Mein Shaam Ho Jaye

Mujhe Maloom Hai Us Ka Thikana Phir Kahan Ho Ga
Parinda Aasman Chuny Mein Jab Nakaam Ho Jaye

Ujale Apni Yadoon Ke Hamare Sath Rehne Do
Na Jany Kis Gali Mein Zindagi Ki Sham Ho Jaye… :(

 

 

   

Be Karan Tanhaiyon Ka Silsila Reh Jaye Ga,

Tere Mere Darmiyan, bas ek khala reh jaye ga

Aks beh jayen ge sare dhoop ke sailab mein

Aur koi paaniyon mein jhaankta reh jaye ga

 

Mujh ko mere hamsafar aisa safar dar_paish hai,

Rasta kat bhi gaya to fasla reh jaye ga

 

Loog soo jayen ge khamoshi ki chadar oorh kar

Chaand suny aangnon mein jagta reh jaye ga

 

Jo kabhi us ne parhin thin mujh se ‘nasir’ mang kar

Naam mera un kitabon mein likha reh jaye ga

 

 

 

 

Aaj Jagi Hui Yaadon Ko Sula De Saqi,

Mai Nahi Hai To Mujhe Zehar Pila De Saqi..

Tishnagi Bujh Na Sake Gi Mere Paimane Se,
Mere Honton Ko Surahi Se Laga De Saqi…
 
Taara-e-Ehsaas Ko Phir Cheer Zara Holay Se,
Aaj Ek Bhoola Hua Geet Suna De Saqi…

 

Majboor The Ham Apni Wafa Jitla Na Sake,

Khate Rahe Zakhm Dil Par, Kisi Ko Dikhla Na Sake!

Chahaton Ki Had Se Barh Kar Chaha Usey,

Sirf Apna Dil Nikal Kar Usey Dikha Na Sake!

Us Ke Liye Apna Sab Kuch Luta Diya,

Mager Phir Bhi Usey Apna Bana Na Sake…!

 

 

 

 

 

Wo Jo Haal Tha Wohi Haal Hai, Kahon Kis Tarhan Naya Saal Hai

Wohi Zindagi Ke Wabaal Hai, Kahon Kis Tarhan Naya Saal Hai

Wohi Be Yaqeeni Hai Ku-Ba-Ku, Wohi Na Umeedi Hai Char Su,   

Jo Bhi Hai Sarapa Sawal Hai, Kahon Kis Tarhan Naya Saal Hai

 

Wohi Dast-O-Paa Wohi Chashm-o-lab Jo Gehan Mein The, Wo Gehan Mein Hain

Wohi Husn Jis Pe Zawaal Hai, Kahon Kis Tarhan Naya Saal Hai

 

Wohi Inteshaar Ki Zindagi Hai, Wohi Ghubar Si Zindagi Hai,

Wohi Saans Lena Mohaal Hai, Kahon Kis Tarhan Naya Saal Hai

 

Wohi Phool Phool Pe Titliyan Hain, Dari Hui Ke Mari Hui

Wohi Be Hisi Jo Kamal Hai, Kahon Kis Tarhan Naya Saal Hai

 

Wohi Khuwab Hain Ke Azaab Hain, Wohi Rooz-O-Shab Ke Sarab Hain,

Wohi Gardish-E-Meh-O-Saal Hai, Kahon Kis Tarhan Naya Saal Hai

 

 

 

 

 

Jo Qismat Mein Na Ho Us Ka Gila Nahi Karte

Kuch Log To Mil Kar Bhi Mila Nahi Karte

 

Suna Hai Rooz Rooz Milne Se Mohabbat Kam Hoti Hai

Ye Soch Kar Hum Us Se Mila Nahi Karte

 

Aye Dil Tu Un Se Milne Ki Umeed Kion Karta Hai

Kuch Log To Umer Bhar Mila Nahi Karta

 

Wese To Aata Hai Har Shajar Pe Bahar Ka Mausam

Phi Rbhi Har Shaakh Pe Phool Khila Nahi Karte

 

Jab Wo Mila Tha To Us Se Rooh Ka Naata Jora Tha

Jab Rooh Sath Chor Jaye To Insaan Mila Nahi Karte....

Ajab Halaat The Yun Dil Ka Soda Ho Gaya Aakhir,

Mohabbat Ki Haveeli Jis Tarha Neelaam Ho Jaye

 

Samander Ke Safar Mein Is Tarha Awaz De Ham Ko

Hawain Teiz Hon Aur Kashtiyon Mein Shaam Ho Jaye

 

Mujhe Maloom Hai Us Ka Thikana Phir Kahan Ho Ga

Parinda Aasman Chuny Mein Jab Nakaam Ho Jaye

 

Ujale Apni Yadoon Ke Hamare Sath Rehne Do

Na Jany Kis Gali Mein Zindagi Ki Sham Ho Jaye… :(

 

 

 

Ab Wo Roothe To Use Manana Nahi Ja Kar

Seh Lein Ge Dukh Use Sunana Nahi Ja Kar

 

Laut Aaye Ga Zaroor Ager Wo Mera Hua

 Aj Se Teh Hua Khud Bulana Nahi Ja Kar

 

Use Chaha Hai Use Chahte Rahein Gey

Us Ke Dil Mein Kia Hai Azamana Nahi Ja Kar

 

Mile To Barsa Dein Ge Apna Sab Kuch Us Pe

Nahi To Haal-E-Dil Bhi Batana Nahi Ja Kar

 

 

 

 

Chaand Nikle Kisi Janib Teri Zaibai Ka

Rang Badle Kisi Soorat Shab-e-Tanhai Ka

Dolat-e-Lab Se Phir Aye Khusru-E-Shireen Dhnaan

Aaj Arzaan Ho Koi Harf Shanasai Ka

Garmi-e-Rashk Se Har Anjuman-e-Gul Badnaam

Tazkarah Chairey Teri Perahan Aarai Ka

Sehan-e-Gulshan Me Kabhi Aye Sheh-e-Shamshaad Qadaan

Phir Nazar Aaye Saleeqa Teri Raanai Ka

Ik Baar Aur Maseeha-e-Dil-e-Dil Zadgaan

Koi Wada, Koi Iqraar Maseehai Ka

 

Deedah-o-Dil Ko Sanbhaloo Ke Sar-e-Shaam Faraq

Saaz-o-Saaman Baham Pohncha Hai Ruswai Ka

Wo Kehti Hai, Ke Khushiyon Mein Bhi Tum To Rony Lagte Ho

Mein Kehta Hun, Meri Aankhon Ko Sawan Acha Lagta Hai

 

Wo Boli, Tum Bhi Parhat Zindagi Se Rooth Jao Ge

Mein Bola, Han, Shayad Mout Mujh Se Maan Jaye Gi

 

Wo Boli, Tum Khushi Ke Geet Ko Mayoos Karte Ho

Mein Bola, Kia Karon In Mukhtasir Geeton Ka Mausam Hai

 

Wo Boli, Tum To Farhat Khud Hi Khud Se Haar Jate Ho

Mein Bola, Kia Karon Kamzoor Hun Aur Be Sahara Hun

 

Wo Boli, Kia Ye Sab Kuch Ittifaqan Hai Tumhara Gham

Mein Bola, Ye Bhi Mumkin Hai Ye Sab Ehtraman Ho

 

Tumhare khat mein naya ik salaam kis kaa tha?

Na tha raqib to aakhir wo naam kis ka thaa?

Wo qatal kar ke har kisi se poochtey hain

Ye kaam kis ne kiya hai? Ye kaam kis ka tha?

Wafa karenge nibhaaheinge baat maanein ge

Tumhein bhi yaad hai kuch ye kalam kis ka tha?

Rahaa na dil mein wo be-dard aur dard raha

Muqeem kon hua hai maqaam kis ka tha

Na pooch-gach thi kisi ki wahan na aao-bhagat

Tumhaari bazm mein kal ehtamaam kis kaa tha

Tamam bazm jise sun kar reh gai mushtaaq

Kaho wo tazkara na-tamaam kis ka tha?

Guzar gaya wo zamana, kahoon to kis se kahon

Khayal dil ko mere subh-o-shaam kis ka tha…? 

 

 

Ye To Socha Bhi Nahi Tha Ke Wo Mar Jaye Ga

Chand Ik Qabar Ke Seene Me Utar Jaye Ga

 

Ye Jo Ik Khwab Sa Palkon Se Bandha Rakha Hai

Aankh Jhapko Ge To Daman Me Bikhar Jaye Ga

 

Hijar Ki Raig Rawan Saath Liye Phirti Hai

Is Kharabe Me Bhala Kon Kidar Jaye Ga

 

Husan Aur Ishq Ke Mabain Thani Hai Ab Ke

Is Laraii Mein Kisi Aik Ka Sar Jaye Ga

 

Tu Ne Dekha Hai Kuch Is Trha Ke Aey Soorat-E-Mah

Haath Dil Pe Na Rakha To Thehar Jaye Ga

 

Dekhna Aik Na Aik Din Tere Khushbu Ka Jamal

Dard Ki Trha Rag-E-Jan Mein Utar Jaye Ga

 

Ye Meri Umer Ka Sehra Mere Wajlon Ka Sarab

Sar Mazjgan Na Rahe Ga To Kidhar Jaye Ga

Tum Ne To Keh Diya Ke Mohabbat Nahi Mili

Mujh Ko To Ye Kehne Ki Bhi Mohlat Nahi Mili

 

Neendon Ko Dais Jate, Koi Khwab Dekhte

Lekin Diya Jalane Se Fursat Nahi Mili

 

Tujh Ko To Khair Shehar Ke Logon Ka Khoof Tha

Aur Mujh Ko Apne Ghar Se Ijazat Nahi Mili

 

Phir Ikhtilaaf-E-Raye Ki Soorat Nikal Pari

Apni Yahan Kisi Se Bhi Aadat Nahi Mili

 

Be-Raaz Yun Hue Ke Tere Ehad Mein Hamain

Sab Kuch Mila, Sakoon Ki Doolat Nahi Mili